Prishtinë, 13 maj - Federata e Futbollit e Kosovës (FFK) ka caktuar çmimet e biletave për ndeshjen miqësore ndërmjet Kosovës dhe Turqisë, e cila do të zhvillohet në stadiumin ‘Adem Jashari’ në Mitrovicë.

Komiteti Ekzekutiv i Federatës së Futbollit të Kosovës (FFK) ka mbajtur mbledhjen e radhës ku ka debatuar për përgatitjet e deritashme për dy ndeshjet e radhës të përfaqësueses së Kosovës, kundër Turqisë (21 maj) dhe Senegalit (25 maj).

Kurse, KE I FFK-së mori vendim edhe për çmimin e biletave për ndeshjen kundër Turqisë, e cila do të zhvillohet në stadiumin ‘Adem Jashari’ në Mitrovicë.

“Biletat VIP do të kushtojnë 20 euro, për pjesën perëndimore 15 euro, në pjesën lindore 10 euro, ndërsa veri dhe jugu do të kushtojnë 5 euro.”, thuhet në njoftimin e FFK-së.

“KE ka vendosur që për grupet e organizuara të tifozëve, deri në 100 bileta për secilin grup të kozerisë biletat të jenë 3 euro”, vazhdon njoftimi.

Ndërsa, këto biletat pritet të dalin në treg 2 ose 3 ditë para ndeshjes