Rio de Zhanerio, 13 qershor - Presidentja e Brazilit Dilma Rousseff ka autorizuar forcat ajrore të qëllojnë çdo mjet fluturues, të dyshuar si me qëllime armiqësore, në periudhën e zhvillimit të Botërorit nga 12 qershori deri më 17 korrik.

Sipas gazetës vendëse \"Gazeta Federale\" 13 raste do të konsiderohen si të dyshuara për zbatimin e urdhërit të presidentes Rousseff, ndër të cilat, shkelja e hapësirës ajrore të Brazilit, paqartësia e informacionit të regjistrimit etj. Por, gazeta nënvizon se urdhëri do të zbatohet vetëm nëse vërtetohet qëllimi armiqësor i mjeteve fluturuese .

Brazili ka mobilizuar rreth 13.000 forca ajrore dhe 77 avionë për sigurinë e Kampionatit Botëror si dhe 57 mijë forca tokësore dhe mbi 100 mijë policë, që përgjigjen për sigurinë tokësore.