Madrid, 12 maj - Ndonëse Carlo Ancelotti deklaronte dy ditë më parë se për sezonin e ardhshëm kërkon të konsolidojë lojën me grupin aktual dhe nuk kërkon blerje, zërat që afrojnë yje si Suarez i Liverpoolit apo Rodrigo i Benficës kanë nervozuar jo pak Karim Benzemanë. 

Sulmuesi, që ka qenë një ndër protagonistët kryesorë të këtij sezoni, duket se nuk ka pranuar ofertën për rinovim. 

Kaq ka mjaftuar dhe Arsenali dhe PSG-ja janë hedhur në sulm për të, por edhe Juventusi nuk ka vonuar që të vihet në radhë. 

Kjo nuk është hera e parë që bardhezinjtë shfaqin interes për Benzemanë, duke qenë se francezi është një dëshirë e vjetër në Torino, që kur luante në Ligue 1.