Rio de Zhanerio, 24 qershor - Gerard Houllier mendon se sulmuesi i Francës, Karim Benzema mund të krahasohet me Cristiano Ronaldon dhe Lionel Messin si njëri nga lojtarët më të mirë në botë.

Pasi fitoi Ligën e Kampionëve dhe Kupën e Mbretit me Real Madridin, Benzema ka vazhduar formën e tij të mirë duke shënuar tre gola në dy ndeshje të Kampionatit Botëror.

“Ai gjithmonë ka qenë një golashënues. Por, ai është përmirësuar me shokët e tij”, ka thënë ish-trajneri i Francës.

“Ai nuk është vetëm një golashënues, por edhe një asistues i mirë dhe është i fortë mentalisht. Ai nganjëherë mund të jetë i pamotivuar, por e di se çfarë dëshiron”.

“Tani është duke hyrë në kategorinë e lojtarëve të klasit botëror. Ronaldo, Messi, Van Persie, Robben dhe Suarez janë ndoshta pak më lartë se ai”.