Madrid, 17 nëntor - Karim Benzema nuk është i sigurt nëse do të qëndrojë në Real Madrid.

Sulmuesi francez, i cili në Madrid u transferua në vitin 2009 nga Lyoni, është i pakënaqur me presidentin e madrilenëve, Florentino Perez, i cili gjatë verës e kishte menduar Luis Suarezi në vend të reprezentuesit francez.

Mediat britanike shkruajnë se 26 vjeçari nuk e përjashton mundësinë e largimit nga ‘Bernabeu’.

Liverpool dhe Arsenal janë dy klubet angleze që janë duke e vëzhguar situatën e lojtarit.

Raportohet se krerët e Liverpoolit do të provojnë që ta blejnë Benzeman për shkak se ‘Reds’ nuk janë të kënaqur me Mario Balotellin.

Ndërkohë, thuhet se edhe menaxheri i Arsenalit, Arsene Wenger mund të rikthehet në garën për ta blerë francezin.

Benzema në këtë sezon të garave deri tani ka shënuar 11 gola për Real Madridin.