Munchen, 11 nëntor - Lionel Messi është lojtari më i mirë në botë. Dhe kur këtë e thotë Franz Beckenbauer, duhet të mendohësh mirë nëse ke dyshime.

Legjenda gjermane e futbollit po harton 11-shen më të mirë të planetit, "All Star Galaxy 11", teksa duhet të vendosë për lojtarët më të mirë në çdo rol, por nuk ka dyshim vetëm për pozicionin e njërit prej sulmuesve, që duhet patjetër të jetë katër herë fituesi i "Topit të Artë".

"Për mendimin tim, Messi është lojtari më i mirë në botë. Talenti, lëvizjet dhe aftësitë e tij janë të jazhtëzakonshëm. Ai është i aftë të shënojë gola në mënyrë të pabesueshme."

"Messi është lider i vërtetë si brenda dhe jashtë fushës së blertë, ai është i sjellshëm dhe ka një karakter perfekt", ka thënë legjenda e futbollit gjerman.

Ideja e Beckenbauer për të formuar 11-shen më të mirë të botës ka ndezur debatin në rrjetet sociale për lojtarët që duhet ta përbëjnë këtë formacionin yjesh.

Sigurisht që tashmë kanë mbetur për t’u përzgjedhur edhe 10 futbollistë, sepse Messi e ka fituar një vend me bekimin e Franz Beckenbauer.