Munchen, 12 mars - Franz Beckenbauer është treguar shumë kritik me stilin e lojës së Bayern Munchen nën drejtimin e Pep Guardiolës.

Pas barazimit 1-1 ndaj Arsenalit që i kualifikoi gjermanët për në çerekfinalet e Ligës së Kampioneve, presidenti i nderit i klubit bavarez tha se skuadra po kthehet si ajo Barcelonë që nuk donte ta shihte njeri.

“Do të bëhemi si Barcelona dhe askush nuk do të dojë të shohë ndeshjet tona. Po e pasojmë topin edhe tek vija fatale e portës sonë”, tha legjenda e futbollit gjerman.

Beckenbauer shpjegoi vizionin e tij për futbollin: “Unë e shoh ndryshe lojën. Nëse kam mundësi të godas nga larg, godas. Kjo është mënyra më efikase sipas meje.”