Munich, 28 tetor - Bayern Munichu ka shprehur interesim për futbollistin e Fiorentinës, Juan Cuadrado. Mesfushori kolumbian është i fokusuar momentalisht tek klubi Viola, me të cilin shënoi dy gola sot, në fitoren 2-1 ndaj Chievos.

“Klubet e mëdhenj më duan? Unë mendoj gjithmonë për skuadrën time dhe jam mjaft i lumtur në Firenze. Është ende shumë herët për të bërë parashikime. Dua ta jap maksimumin për këtë fanellë, më pas të shohim”, deklaroi 25 vjeçari për ‘Football Italia’.

“Kemi një skuadër që luan futboll brilant dhe duhet të vazhdojmë me këtë ritëm, në mënyrë që t’i arrijmë objektivat tanë”, përfundoi Cuadrado, për të cilin interesim ka shprehur edhe Juventusi.