Munich, 19 shkurt - Karl-Heinz Rummenigge i Bayern Munich ka zbuluar se klubi në një kohë kishte provuar që ta sillte Arsene Wengerin si menaxher.

Shefi i Munichut thotë se gjiganti i Bundesligës i ishte afruar francezit për ta sjellë atë në Bavari në mesin e viteve të 1990-ta.

Bosi i Arsenalit kishte vendosur asokohe që ta refuzonte këtë ofertë dhe të pranonte t’i bashkohej skuadrës japoneze, Nagoya Grampus, të cilën e drejtoi nga 1995 deri më 1996.

“Në Angli ka shumë trajnerë të mirë, dhe mua më pëlqen Arsene. Ishim shumë afër marrëveshjes me të në vitet e ’90-ta. Ishte duke e menaxhuar Monakon. Po bisedonim për ta sjellë atë në Munih, por ai vendosi të shkonte në Tokyo”, ka treguar për DailyMail, Rummenigge.

Rummenigge foli gjithashtu se sa i impresionuar është me punën e Pep Guardiolas deri mët ani në Bayern.