Barcelonë, 26 shkurt - Barce kërkon zëvendësuesin e Carles PuyolIdeja e drejtorit sportiv të blaugranave, Andoni Zubizareta është blerja e një qëndërmbrojtësi të fortë dhe të ri në moshë për t’ja bashkuar atë treshes që përbëhet nga Gerard Pique, Javier Mascherano e Marc Bartra.

Në mendjen e Zubizareta janë plotë 5 emra megjithatë për momentin ai që ka më shumë mundësi të bëhet pjesë e Barçës është mbrojtësi argjentinas I Villareal, Mateo Musachio.

Për të lënë të lirë 23-vjeçarin drejtuesit e nëndetëses së verdhë kërkojnë plotë 30 milionë Euro. Një emër tjetër që po ndiqet me vëmendje nga katalanasit është edhe mbrojtësi I Athletic Bilbaos, Laporte, vlera e të cilit kap shifrën e 36 milionë Eurove.

Megjithatë në listën e dëshirave të drejtuesve blaugrana nuk mbetet pas as qëndërmbrojtësi francez I Portos, Elaquim Mangala.

Por për të marrë shërbimet e Mangala, Barcelona nuk do ta ketë aspak të lehtë pasi për të kanë shfaqur interes edhe klubet më të rëndësishme angleze, si Manchester United, Manchester City dhe Chelsea. Vlera e Mangala në merkato kap shifrën e 25 deri në 30 milionë Eurove.

Gjithsesi nëse Barcelona nuk arrin të transferojë asnjë nga këta tre futbollistëve për shkak edhe të vlerës së lartë të kartonave të tyre, blaugranat do të përqëndrohen te alternativat low-cost.

Dy emrat kryesorë të kësaj liste janë mbrojtësi I Dynamo Kiev, Dragoviç, që kushton 10 deri në 12 milionë Euro dhe mbrojtësi argjentinas I Sevillias, Fazio I cili I pëlqen shumë edhe trajnerit të Barcelonës, Tata Martino.