Barcelonë, 26 qershor - Barcelona ka përgatitur një befasi të madhe. Ekipi katalunas po synojnë që ta sjellin në Camp Nou yllin e Atletico Madridit.

Bomba e afatit kalimtar të verës e ka një emër. Ai është ylli i Atletico Madridit, Arda Turan, raporton e përditshmja katalane, Mundo Deportivo.

Sipas kësaj gazete, Luis Enrique ia ka vërë syrin reprezentuesit turk, i cili ka paralajmëruar largimin nga Atletico.

Arda ka një klauzolë blerjeje prej 40 milion eurove, çmim i përballueshëm për drejtuesit e klubit nga Camp Nou.

Ditë më parë Arda ka konfirmuar se dëshiron një skuadër të re, derisa Premierliga është përmendur si opsion i mundshëm. Ai ka oferta edhe nga Italia e Franca