Madrid, 9 tetor - Ish-trajneri i Tottenhem Harry Redknap, e quan si të ekzagjëruar shumën e paguar nga Reali i Madridit për të siguruar shërbimet e Gareth Bale, por nga ana tjetër e këshillon uellsianin që të reagojë si një lojtar që vlen 101 milionë.

Bale sipas tij nuk duhet të mendojë për çmimin që ka kushtuar, sepse nëse do të ndodhë kështu do të jetë në presion të madh.

\"Ai duhet të mendojë vetëm sesi të përshtatet me lojën e Realit. Çmimi që u pagua për kartonin e tij është i çmendur, por ai nuk do të kishte luftuar kaq shumë për të qenë pjesë e Los Blankos nëse nuk do të kishte qenë i bindur se është në lartësinë e duhur për ta veshur bluzën e bardhë.\"

\"Bale mund të luajë në çdo pozicion, madje edhe Ancelotti e sheh në të njëjtën mënyrë siç e shihja unë\", thekson Redknap.

Por Reali e ka një yll, Cristianon Ronaldon, ndaj sipas Redknap, Bale do ta ketë të vështirë të spikasë nën hijen e portugezit.

Sfida e tij e madhe do të jetë të dalë jashtë hijes së Cristiano Ronaldos. Nuk do të jetë e lehtë, sepse portugezi godet 9 nga 10 goditjet e lira të Realit. Bale duhet të jetë i fortë dhe të mendojë se është një lojtar që kushtin 101 milionë duke marrë të gjitha përgjegjësitë.

Më pas Redknap kujton se marrëdhëniet mes Bale dhe Cristiano Ronaldos do të jenë vendimtare për suksesin e uellsianit.

Nëse Ronaldo do të ndihet i kërcënuar, dhomat e zhveshjes do të duken si një qytet i shkretë për Bale. Gareth duhet të kërkojë mbështetjen e trajnerit, që flet shumë mirë anglisht, por edhe të zëvendës trajnerit Pol Klement apo të Luka Modriç, me të cilën ka luajtur te Tottenhem.

Redkbnap e përshkruan në këtë mënyrë uellsianin në librin e tij “Always Managing”.

“Unë e parashikova që do të ishte Cristiano Ronaldo ynë. Gjithmonë kam menduar se mund të ishtë një lojtar anësor ose një mbrojtës i majtë. Nëse do të dëshironte, do të bëhej më i miri në botë.”