Madrid, 8 dhjetor - \"Cristiano Ronaldo, e meriton Topin e Artë pasi ka kaluar një vit fantastik\", ka thënë Gareth Bale, bashkëlojtar te Real Madridi.

Portugezi fitoi Ligën e Kampionëve, Superkupën e UEFA-s dhe Kupën e Mbretit sezonin e kaluar, si dhe nuk po ndalet së shënuari në sezonin e ri.

Ronaldo është nominuar për këtë çmim së bashku me Lionel Messin e Barcelonës dhe portierin e Bayern Munichut, Manuel Neuer, që sivjet fitoi Kupën e Botës.

Mirëpo, Bale beson se bashkëlojtari i tij e meriton këtë çmim. “Ronaldo ka qenë fantastik sivjet. Ai e meriton Topin e Artë”-ka thënë uellsiani për TeleFoot.