Manchester, 17 nëntor - Bale po shkon drejt fitimit të Topit të Artë, sipas menaxherit të tij, i cili po ashtu ka konfirmuar se Manchester United kishte ofruar më shumë se Real Madridi për ta transferuar atë.

Bale iu bashkua ekipit nga “Santiago Bernabeu” nga Tottenham për një shifër rekorde prej 100 milionë eurosh, ndërsa e fitoi Copa Del Rey dhe Ligën e Kampionëve, në sezonin debutues me klubin spanjoll, duke realizuar gola vendimtarë në të dyja finalet.

Jonathan Barnett zbulon se Bale po ashtu e kishte zgjuar interesimin e Barcelonës, ndërsa shton se klienti i tij do t’i kalojë, bashkëlojtarin Cristiano Ronaldo dhe yllin argjentinas, Lionel Messi, duke e fituar “Topin e Artë”.