Bahtiri priti drejtuesit e klubit të volejbollit VSV nga Holanda
Mitrovicë, 21 maj - Kryetari i Komunës, Agim Bahtiri, priti sot drejtuesit e klubit të volejbollit VSV nga Holanda, që shoqëroheshin nga kryetarja e klubit të volejbollit të femrave Trepça, Pakize Kosova.
Qëllimi i këtij takimi ishte me karakter njoftues për aktivitetet e klubit të volejbollit Trepça, që i realizon në kuadër të programit MATRA të Ambasadës Holandeze.
Sipas tyre, në kuadër të projektit, rreth 100 fëmijë nga Mitrovica, nga mosha gjashtë (6) vjeçare, të nacionaliteteve të ndryshme, janë të angazhuar në trajnimet për këtë sport, të cilët do ti vijojnë deri moshën kur ata janë të gatshëm ti bashkëngjiten klubit të volejbollit.
Kryetari i klubit VSV, Dick Van Slooten dhe asistenti i tij, Wanter Wissink, u shprehen të kënaqur me punën e zonjës Kosova, duke thënë njëherësh se në grupin e fëmijëve që janë duke u përgatitur për tiu bashkangjitur klubit, kanë parë talent të mëdhenj që nuk i takojnë gjithëkund.
Kryetari Bahtiri, i njoftoj mysafirët me projektet që janë në përfundim e sipër në renovimin e palestrës së porteve Minatori dhe Qendrës Multifunksionale, që mund të shfrytëzohen për aktivitetet sportive.