Madrid, 9 prill - Klubi i madh spanjoll, Atletico Madrid, ka shprehur interesim serioz për mesfushorin kosovar të Borussia Monchengladbachut, Granit Xhakën.

Sipas mediave të mëdha të huaja, Diego Simeone e pëlqen jashtëzakonisht mesfushorin e Zvicrës, i cili do t’i kryente punë të mëdha në mesfushën e ekipit të tij.

Andaj, sipas tyre, kampioni aktual i Spanjës shumë shpejt pritet t’i drejtohet me ofertë prej 25 milionë eurosh klubit nga Bundesliga, për ta bindur që ta lirojë kosovarin.

Vlera reale e kartonit të Granit Xhakës llogaritet të kushtojë afro 12 milionë euro.

Por, klubi gjerman vështirë se do të pranojë ta shesë atë nën vlerën e 25 milionë eurove.

 Xhaka sot është në mesin e mesfushorëve më kualitativë në Evropë, andaj pëlqehet nga shumë klube evropiane.