Londër, 15 shkurt - Arsenali është i interesuar për transferimin e mesfushorit të Baselit, Shkëlzen Gashi.

Sipas portalit “TheSporter.com”, gjiganti londinez është një prej klubeve që ka mbetur i impresionuar nga paraqitjet e Gashit tek skuadra zvicerane.

Gashi nuk u largua nga Basel gjatë afatit kalimtar të janarit, por e vazhdoi shkëlqimin në skuadër me 12 gola këtë edicion, përfshirë paraqitje të mira në kuadër të Ligës së Kampionëve.

Mirëpo, në verë ai mund të gjejë një mjedis të ri, një klub më të madh se Basel që ndoshta mund të jetë edhe Arsenali.