Londër, 29 maj - Arsenal është duke u përgatitur për sezonin e ardhshëm. Drejtuesit e klubit nga Londra kanë premtuar se sezonin a ardhshëm do të jenë një ekip edhe më i fortë. Trajneri Venger ka nisur që tani një listë me dëshira për merkaton e verës.

Drejtuesit e klubit londinez Arsenal, kanë bërë ofertë zyrtare për njërin prej mesfushorëve më në formë të Real Madridit. Angel Di Maria kërkohet me interes të madh nga Venger i cili e sheh argjentinasin si një futbollist të domosdoshëm.

Sipas mediave angleze thuhet se Arsenali i ka dërguar ofertë zyrtare 35 milion euro klubit mbretëror Real Madrid për mesfushorin argjentinas , por për ta sjellë këtë futbollistë në “Emirates” duhet mposhtur konkurencën tejet e fortë nga Manchester United dhe Juventus.

Nga sa raportohet edhe vetë futbollisti e pëlqen një aventurë të re në Londër.