Londër, 5 korrik - Arsenali ka ngritur ofertën për transferimin e sulmuesit të Barcelonës, Alexis Sanchez.

Sipas të përditshmes sportive italiane “Gazzetta dello Sport”, ka njoftuar se gjiganti londinez ka ofruar 35 milionë euro për blerjen e yllit kilian, i cili pritet të largohet nga Camp Nou, gjatë këtij afati kalimtar të verës.

Po ashtu, në rast se pranon të transferohet në Emirates, Sanchez do të përfitojë 6 milionë euro në vit, në kontratë pesëvjeçare.

Andaj, në total, blerja e Sanchezit do t’i kushtojë Arsenalit rreth 65 milionë euro. Sanchez pritet të largohet nga Barcelona pasi gjiganti katalan është shumë pranë arritjes së marrëveshjes për transferimin e sulmuesit të Liverpoolit, Luis Suarez.

Kurse, menaxheri Arsene Wenger synon të përforcojë sulmin, për sezonin e ri.