Madrid, 28 gusht - Di Maria insiston se ai është i lumtur tek klubi i Real Madridit dhe do të vazhdoj të luftoj për një vend në përbërjen e Carlo Ancelottit.

Ekipi i Arsenalit javën e kaluar hapi bisedimet paraprake për argjentinasin ndërsa edhe Galatasaray janë të interesuar për të dhe po vazhdojnë ta monitorojnë situatën e tij e sidomos me ardhjen e Gareth Bale e ardhmja e tij në Spanjë mund të vihet në pikëpyetje.

Ishte pikërisht Di Maria ai qe ja dha fitoren Realit me golin e tij në ndeshjen kundër Granadas(1-0), dhe pas të gjithave,ai vazhdon të thotë se nuk ka ndërmend të largohet nga kryeqyteti spanjoll.

“Unë e kuptoj se klubi dëshiron të forcohet dhe ata janë të saktë në atë që bëjnë “,tha ai për gazetën “AS”. “Por unë kam nënshkruar deri në vitin 2018 dhe dëshira ime është që të qëndrojë në Bernabeu.”

Di Maria u bashkua me Real Madrid nga Benfica në qershor të vitit 2010 dhe ka bërë mbi 100 paraqitje për klubin.