Madrid, 5 janar - Carlo Ancelotti thotë se Real Madridi luajti mjaft mirë ndaj Valencias dhe meritoi së paku një barazim.

Shkodran Mustafi me shokë ndërprenë rekordin në 22 fitore radhazi për Los Blancos duke fituar me rezultat 2-1 në Mestalla.

“Zhvilluam një ndeshje të mirë dhe nuk merituam të humbnim. Mirëpo, në futboll gjithçka mund të ndodhë”.

“Është një humbje që duhej ta pësonim, por të mos harrojmë se çfarë kemi arritur më përpara”.

“Urime Valencias, ata luftuan shumë. Por, ne u angazhuam mirë dhe krijuam raste. Nuk kam çfarë të them tjetër”, ka deklaruar Ancelotti.