Madrid, 27 mars - Pavarësisht humbjes përballë Sevillas trajneri i Realit, Carlo Ancelotti ka akoma besim se merenguesit mund ta fitojnë La Ligan.

 Përsa i përket takimit me Sevillian, Ancelotti mendon se skuadra e tij nuk meritoi të humbiste.

“Duhet të mendojmë për veten tonë, dhe na duhet të besojmë se kemi akoma mundësi ta fitojmë La Ligan. Humbja nuk ishte e merituar, pavarsisht se në momentin e kundërsulmeve të tyre ne nuk u mbrojtëm mirë."

"Në pjesën e parë luajtëm mirë dhe shënuam edhe një gol. Barazimi erdhi si pasojë e një gabimi që bëmë dhe ai gol e komplikoi shumë ndeshjen” shprehet tekniku.

Pyetjes së gazetarëve se nëse ka patur ndonjë ndikim përballja cerekfinale me Borussian e Dortmundit në këto dy humbje të Realit, trajneri italian shprehet se kjo gjë nuk ka ndikuar.