Baku, 14 qershor - Sportistët nga 50 shtete të Evrpës, në mesin e të cilëve gjenden edhe 18 sportistë nga Kosova të cilët do të bëjnë gara në 9 sporte, kanë filluar garat në Lojërat Olimpike të Evropës \"Baku 2015\". Kështu në “Crystal Hall 3”, në një arenë mjaft mirë të realizuar, në brigjet e detit Kaspik kanë filluar duelet e karatesë.

Ndër sportistët e parë të Kosovës që do të paraqiten  në gara është karateisti, Alvin Karaçi, i cili bënë gara në kumite/luftëra/ në kategorinë deri në 84 kilogram.

Në eliminatore Karaçi të enjtën, më 14 qershor, në orën 9:30 sipas kohës në Kosovë në luftën e parë do të  pëballallet me turkun Ugur Aktash, pastaj për kundërshtar do ti ketë edhe italianin Nello Maestri dhe polakun Kamil Ëarda.

Në anën tjetër përfaqësuesi nga Shqipëria, Halil Marqeshi po ashtu në sportin e karatesë është mënjanuar nga garat në fazën e grupeve.  Ky konkurroi në “Kumite”, për peshën deri 60 kg.

Shorti nuk u tregua bujar me Marqeshin, i cili u përball me kampionin e Evropës Luca Maresca, me spanjollin Matias Gomez Garsia dhe azerbajxhanasin Firdovsi Farzaliyev. Ndeshja e parë e Marqeshit ishte ajo përballë italianit kampion të Evropës Luca Mareska.

Ky duel kaloi në shënjë të mbizotërimit të plotë të karatiestit italian duke e fituar këtë duel me rezultat 8:0. Në duelin e dytë Marqeshi u ndesh me Matias Gomez Garcia. Spanjolli e nisi me një goditje befasuese në kokë, duke marrë menjëherë 3 pikë.

Më pastaj spanjolli fitoi edhe pikët e radhës dhe me rezultat bindës e fiton këtë duel 10:0. Dueli i fundit i karateistit shqiptar ishte me azerbajxhanasin Farzaliyev.

Kundërshtari vendas ishte i motivuar në maksimum, pasi fitoi 2-4 me kampionin e Evropës, Farzaliyev e fitoi këtë përballje me rezultat 6:0. Marescka dhe Farzaliyiev u kualifikuan për në gjysmëfinale nga Grupi A.

G.K.