Munich, 3 prill - Xabi Alonso ka thënë se Pep Guardiola ishte njëra prej arsyeve që ai vendosi t’i bashkohet Bayern Munichut pasi braktisi Real Madridin.

Mesfushori u transferua te kampioni gjerman vitin e kaluar dhe ka qenë lojtar i rëndësishëm këtë sezon, kurse ka thënë se Guardiola ishte faktori kyç që ai u transferua në Bavari.

“Pasi mposhtëm Atleticon në finalen e Ligës së Kampionëve vitin e kaluar, dukej se ishte koha të bëja diçka ndryshe”, ka thënë Alonso.

“Mendova se ishte koha të bëja diçka të re dhe të transferohesha në njërën nga klubet më të mira në botë. Kam shumë arsye që u transferova në Bayern por Pep Guardiola ishte arsyeja kryesore. Ai është unik”.