Torino, 7 nëntor - Trajneri i Juventusit, Massimiliano Allegri, po kërkon që gjatë janarit të transferojë një lojtar kreativ që do të mund të udhëhiqte lojën në mesfushë.

Dhe, një nga lojtarët që ai kërkon është mesfushori kosovar i Bayern Muenchenit, Xherdan Shaqiri.

\"Allegri po shikon me vëmendje që gjatë janarit të transferojë ndonjë lojtar që do të udhëheq mesfushën. Ai po e shikon me vëmendje të veçantë mesfushorin e Zvicrës, Xherdan Shaqirin.\"

\"Zvicerani nuk po gjen hapësirë të duhur në Bayern Muenchen dhe këtu mund të përfitojë Juventusi\", shkruan të enjten \"calciomercato.it\", bazuar në burimet e saj brenda ekipit torinez.

Shaqiri 23-vjeçar me skuadrën e Bayern Muenchenit ka kontratë deri në qershor të vitit 2016. Ai po kërkohet nga shumë skuadra evropiane.