Londër, 23 mars - Sulmuesi i Arsenalit, Alexis Sanchez mund të bëhet futbollisti më i mirë në botë, kështu të paktën mendon bashkëkombasi i tij, Mauricio Isla.

Ish-anëtari i Barcelonës ka qenë fenomenal që prej transferimit në Arsenal në verën e kaluar, ndërsa Isla ka vetëm fjalë të mira për Sanchez.

”E njoh atë prej më shumë se 10 vitesh dhe ai e ke treguar atë se çfarë mund të bëjë. Ai gjithmonë ka thënë se dëshiron të bëhet më i miri dhe tani ai ka arritur në një ekip ku mund ta bëjë ëndrrën realitet”.

”Sanchez e ka marrur besimin nga bashkëlojtarët e tij dhe siqerisht nuk jam i befasuar nga kualitetet e treguara nga ai”, tha Isla për Sportsbeat.