Manchester, 2 dhjetor - Menaxheri i Manchester Cityt, Manuel Pellegrini, ka përgënjeshtruar njoftimet se Sergio Aguero do të kalojë te Real Madridi në verën që vjen.

Të dielën është raportuar se argjentinasi është bërë shënjestër kryesore e Los Blancos për afatin e ardhshëm veror.

Megjithatë, trajneri i tij thotë se nuk ka dëgjuar për një interesim të tillë dhe se është i bindur se 25-vjeçari do të qëndrojë në Etihad Stadium.

“Nuk kam dëgjuar asgjë rreth kësaj. Nuk mendoj se Sergio dëshiron të largohet, prandaj nuk paraqet kurrfarë problemi për ne”, ka deklaruar Pellegrini.