Së shpejti Komisioni Mjekësor për përcaktimin e shkallës së invaliditetit
Ministri Abrashi i siguroi përfaqësuesit e SHIL për bashkëpunim korrekt gjatë gjithë procesit dhe i njoftoi ata për hapat që i ka ndërmarrë ministria në këtë drejtim. Gjithashtu, ministri Abrashi, i njoftoi përfaqësuesit e SHIL se gjatë javës së ardhshme do të ketë konsultime me Fondin Monetar Ndërkombëtar (FMN) dhe me Ministrinë e Financave lidhur me këtë çështje.
Kryetari i SHIL, z. Fadil Shurdhaj, e falënderoi ministrin Abrashi për bashkëpunim dhe e njoftoi atë se gjatë javës së ardhme komisioni qeveritar pritet të finalizojë listën e invalidëve të luftës, të cilëve do t\'u njihet statusi i invalidit të luftës. Finalizimi i listës vlerësohet si moment kyç pas së cilës do të vazhdohet me themelimin e Komisionit Mjekësor për Përcaktimin e Shkallës së Invaliditetit dhe procedurave tjera për fillimin e pagesave.
Gjatë takimit është biseduar edhe për çështje tjera që kanë të bëjnë me kategorinë e invalidëve të luftës dhe është shprehur gatishmëria e dyanshme për intensifikim të bashkëpunimit.
