Prishtinë, 21 mars - Presidentja e Republikës së Kosovës, zonja Atifete Jahjaga dhe zonja Maitha Al Shamsi, ministre e shtetit e Emirateve të Bashkuara Arabe, do ta vënë gurthemelin e Spitalit Pediatrik-Kirurgjik, në hapësirat e QKUK-së.

Spitali i ri është një donacion i Emirateve të Bashkuara Arabe, në një vlerë prej 22 milionë euro. Marrëveshja për ndërtimin e tij është nënshkruar në prill të vitit të kaluar, gjatë një vizite të Presidentes Jahjaga në Abu Dhabi.