Prishtinë, 30 nëntor - Në Qendrën Klinike Universitare të Kosovës (QKUK) sot janë gjetur dy granta dore dhe një numër fishekësh të cilat sipas zëdhënësit të këtij institucion, Shpend Fazliu janë larguar nga klinika.

“Policia e Kosovës i ka larguar dy granta dore dhe një numër fishekësh të cilët kanë qenë të vendosur në hapësirën e lartë e zyrës, ku ndodhet administrata e Qendrës Klinike Universitare të Kosovës”, tha Fazliu.

Mëtutje, ai është shprehur se “presim që organet e hetuesisë, policia, prokuroria dhe organet tjera të drejtësisë ta thonë fjalën e tyre, ta hulumtojnë se si ka ardhur deri te ky rast dhe po ashtu të zbardhin detajet e tjera në lidhje më mjetet që kanë qenë aty”.