Prishtinë, 9 gusht - Ministria e Shëndetësisë e Republikës së Kosovës njofton kandidatët për specializime nga Lugina e Preshevës, Shqipëria, Mali i Zi dhe Maqedonia se konkursi për specializime për kandidatët nga këto vende, do të shpallet në pjesën e dytë të shtatorit 2016.

Për kandidatët që janë banorë të Luginës së Preshevës do të ndahen 5 vende me financim të Ministrisë së Shëndetësisë, kurse për kandidatët nga trojet, do të ndahen 10 vende të specializimit volunter.

Konkursi për mjekët në Kosovë ndërkaq, është shpallur më 5 gusht 2016 dhe do të jetë i hapur deri më 19 gusht 2016.