Prishtinë, 23 nëntor - Asociacioni kosovar për Imunologji Astme dhe Alergji pranohet në Unionin Botërorë të  Shoqatave të Imunologjisë edhe Federatën Evropiane të Imunologjisë EFIS

Pas punës dymbëdhjetëvjeçare, Asociacioni  kosovar për Imunologji Astmë dhe Alergji, ka arritur të anëtarësohet me të drejta të plota në  Unionin Botëror të Shoqatave të Imunologjisë dhe Federatën Evropiane të Imunologjisë EFIS.

Votimi  për pranim të këtij Asociacioni, u  ratifikua nga Këshilli në mbledhjen e saj vjetore që  këtë vit,  u mbajt në Medellin, Kolumbi.

Asociacioni kosovar do kontaktohet së shpejti në lidhje me pjesëmarrjen në Asamblenë e Përgjithshme e vitit të ardhshëm, e cila është vendosur të mbahet me rastin e Kongresit 16-të ndërkombëtar të Imunologjisë (ICI), 21-26 gusht 2016,  në Melburn, Australi.