New York, 6 shkurt - Të gjitha përpjekjet që po bëjnë avokatët e Whitney Houston në mënyrë që diva të rikthehet në një jetë normale po shkojnë dëm.

Para disa ditësh doli lajmi se këngëtarja e famshme po jetonte me borxhe nga agjentët e saj sepse gjendja financiare është e mjerueshme dhe i duhen para për gjërat më elementare.

Sipas ‘Daily Mail’, 48-vjeçares nuk i ka mbetur më asgjë nga pasuria e saj që përfshinte edhe një marrëveshje rekord prej 100 milionë dollarësh.

“Nëse nuk do të kishte njerëz që e ndihmojnë, Whitney tashmë do të ishte e pastrehë”, thekson një burim për ‘Radaronline.com’.

“Para disa ditësh mori një borxh prej 100 dollarësh. Është për të ardhur keq”, shton i njëjti burim.