Prishtinë, 10 gusht - Kompania Limak që menaxhon me Aeroportin Ndërkombëtar të Prishtinës “Adem shpreh kënaqësinë për përkrahjen edhe të këtij edicioni të Dokufest, duke mundësuar kështu shfaqjen e shumë filmave dokumentar dhe të shkurtë artistik për një numër të madh të shikuesëve.

Dokufest po vazhdon të thejë kufinjë dhe ne besojmë që aktivitete të tilla duhet të shumëfishohen dhe përkrahen edhe më shumë nga gjithë shoqëria, me qëllim të ndërtimit të bazave të qëndrueshme të zhvillimit kulturor dhe artistik të të gjithë shoqërisë në Kosovë.

\"Duke besuar thellë në fuqinë e komunikimit, ne në natën e parë të Dokufest kemi komunikuar dëshirat dhe ambiciet e vendit, pjesë e të cilit jemi edhe ne. Këtë e kemi bërë përmes instalacionit dhe performancës në urën e gurit në Prizren, që kishte të vetmin qëllim komunikimin e dëshirave dhe të drejtës jetike për lëvizje të lirë të një shteti të ri por shumë të dashur.\"

Instalacioni i përgatitur me kompanine vendore të komunikimit dhe marketingut, Paper Communications , kishte qëllim që në mënyrë artistike të shfaqë kërkesën e kahmotshme të popullit të një vendi në mes të Evropës për të udhëtuar lirshëm dhe besojmë se të gjithë kanë kuptuar një performance të tillë.

Performanca u bë e mundshme me aktorët më të mirë të Kosovës dhe si një tallje kreative, është dashur të kthejë buzëqeshjen tek të gjithë duke adresuar qëllimin e të gjithë Kosovarëve të jenë pjesë e Evropës një ditë dhe të udhëtojnë lirshëm.

Natyralisht, urat përfaqësojnë lidhje dhe bashkim, andaj edhe besojme që ky instalacion dhe kjo performancë do të zhvillojë tutje bashkëpunimin dhe komunikimin nën parimin e të qenit të barabartë në diversitet.

Përfundimisht, i falenderojmë të gjithë për mirëkuptimin dhe shpresojmë që improvizimi i pikës kufitare në urë, do të thellojë edhe më tutje diskutimin dhe do të ri-theksojë nevojën e të gjithëve për lëvizje të lirë si dhe urgjencën me të cilën kjo temë duhet trajtuar.