Prishtinë, 12 maj - Vjollca Selimi, ka sjellë në treg videoklipin më të ri të saj, “ Një kafe me ty”. Ajo deri më tani i ka realizuar  katër videoklipe .

Ndërkaq kënga e fundit që sot ka dalë në treg është realizuar nga tekstshkruesi Kreshnik Avdiu të cilin edhe muzikën e ka bërë ai, ndërsa orkestrën e ka realizuar Ardian Kastrati. Videoklipin e kësaj kënge e ka realizuar Prudksioni MaXimus me regji të Blerdi Malushit.

Selimi ka treguar se këtë këngë e ka realizuar më përkushtim shumë të madh dhe se shumë shpejtë ajo për fansat e saj do të realizojë edhe këngë e videoklipe të tjera.

“Do të ofrojë edhe shumë këngë e videoklipe të tjera kurse, për sezonin e verës jam duke e përgatitur një album live”, tregoi ajo.

Ndër të tjerash, ajo tregoi se në këngën e saj të re “Një kafe me ty”, ka trajtuar një temë shumë interesante, duke kërkuar të takohen me një mashkull q I pëlqen shumë vetëm e vetëm për ta pirë një kafe, pra përshkruhet një dashuri e madhe ndaj dikujt.