Las Vegas, 15 janar - Bashkëshorti dhe ish menaxheri i yllit të muzikës Celine Dion ka vdekur dje.

Ky lajm u bë i ditur nga ekipi që e menaxhon llogarinë e saj në facebook ku thuhet: ,,Rene Angelil ka vdekur sot në shtëpinë e tij në Las Vegas pas një beteje të gjatë të luftës kundër kancerit në fyt. Familja kërkon që të ruhet privacia e tyre për momentin dhe se detaje tjera do të bëhen publike më vonë.”

Rene u diagnostifkua për herë të parë me kancer në fyt në vitin 1998 por pas një intervenimi kirurgjik ai u shërua.

Ai prapë u paraqit dhe kësaj here Renes iu desht të largohej nga të gjithë aktivitetet e tij në mënyrë që të marrë trajtim mjekësor.