Prishtinë, 2 tetor - Shoqata e Karikaturistëve të Kosovës “Thumbi” është duke e organizuar  festivalin e parë botëror  të karikaturës në Kosovë me temën “Hello Europe”. 

Konkursi është  i  hapur deri me 15.10. 2015, ku deri në këtë datë bëhet pranimi i tyre. Deri më tani kanë arritur mbi 191 punime nga ma shumë se 50 shtete. 

Selektimi i karikaturave për katalog dhe  ekspozitë bëhet me datë 17.10.2015  nga juria profesionale e zgjedhur nga shoqata.

Ekspozita do të mbahet në Teatrin Kombëtar të Kosovës me datën 28.09.2015 në ora 19:00 , kur do të shpallen edhe fituesit e festivalit.

Njëherit shfrytëzojmë rastin të ftojmë të gjithë dashamirët e artit të karikaturës dhe ata që mirren me karikaturë të aplikojnë në konkursin tonë me temën e sipër përmendur.

Pjesëmarrësit punimet e tyre mund t’i sjellin/dërgojnë në shoqatë në mënyrë elektronike në  adresën [email protected]  si dhe në selinë e shoqatës që gjindet në rrugën: SHKKTH “THUMBI” Rr. “Bajram Curri” Nr.27, Prishtinë  mbrapa Ministrisë së Shëndetësisë,  tel.: 038/604-369 & 044/708 - 725.

Çmimi  për vendin e parë do të jetë 800 Euro, të  dytë  400 Euro, dhe të tretë  200 Euro dhe pesë çmime speciale.