Los Angeles, 20 tetor - Taylor Swift është këngëtarja që fiton 1 milion dollarë në ditë. Sipas “Sunday Express”, ylli i hitit “Bad Blood” ka arritur të bëjë rreth 317.8 milionë dollarë që nga muaji janar, falë albumit të saj “1989” si dhe turneut botëror.

Kështu, fitimet që merr në muaj Swift e bëjnë këngëtaren më të paguar në botë.

Ndërkohë, një analist për mediat është shprehur: “Momentalisht Taylor është në krye të gjithë muzikantëve të tjerë duke u bërë kështu artistja më e pushtetshme në mbarë botën jo vetëm falë muzikës, por edhe falë lëvizjeve apo kërcimeve që bën në skenë. Aktualisht, Taylor Swift është e paprekshme”.