Prizren, 1 maj - Festivali Ndërkombëtar i Skulpturës Sculp Fest ka perfunduar të gjitha pregaditjet për hapjen solemne të edicionit të saj të katërt i cili organizohet në kuadër të Autostrada Bienniale.

Eventi do të organizohet sot në Prizren duke filluar nga ora 20:30.

Hapjen e edicionin e sivjetëm do ta karakterizoj vendosja e 20.000 kubeve të akullit në rrugën “Marin Barleti” zonë historike e qytetit të Prizrenit.

Performanca është pjesë e kampanjës “KALLDERM” me c’rast qytetarët gjatë tërë muajt kanë pasur mundësi t’i shkruajnë përjetimet e tyre në lisat e vendosura në shesh dhe përmes rruges virtuale www.kallderm.net.

Në 20.000 kube të akullit janë “ngrirë” rrëfimet e qytetarëve, të cilat do të mbulojnë rrugë në Prizren, duke dëshmuar se përtej çdo objekti e ngjarjeje në jetën e qytetit, ka histori e ndjesi njerëzore.

Performanca do të shoqërohet me muzikë jazz livë nga performuesit: Ilir Bajri, Fation Miftari, Visar Kuci, Enes Bajramliq dhe Labinot Sponca.