Prishtinë, 16 mars - Në vazhdën e aktivitetit “Prishtina Lexon”, Drejtoria e Arsimit e Komunës së Prishtinës për nder të Ditës Ndërkombëtare të Poezisë, e shpallur nga UNESKO në vitin 1999, organizon program kulturoro - artistik me nxënësit e nivelit të arsimit parauniversitar.

Programi festiv do të mbahet të hënën me datë 21 mars 2016 në ora 10:00 në SHFMU “Model” në Prishtinë.
Përmes shënimit të Ditës së Poezisë, synojmë të ngrisim vetëdijen e të rinjëve ndaj poezisë dhe krijimtarisë poetike.