Prishtinë, 21 janar - Me rastin e “Ditës së arkivit” dhe 46 vjetorit të themelimit të Arkivit Komunal të Prishtinës, do të organizohet ekspozita “Prishtina dikur”, ku do të prezantohen dokumentacione dhe fotografi të rralla të kryeqytetit.

I pranishëm në këtë aktivitet do të jetë edhe kryetari i Komunës së Prishtinës, Shpend Ahmeti dhe drejtoresha e Drejtorisë së Kulturës, Rinisë dhe Sportit, Saranda Bogujevci.

Arkivit Komunal i Prishtinës është themeluar me 21 Janar të vitit 1969. Është një ndër arkivat më të mëdha në Kosovë.

Institucioni është relativisht i ri dhe ka sasi të madhe të lëndës arkivore në kuadër të fondeve dhe koleksioneve arkivore duke mbuluar një territor të hapur të institucioneve dhe organizatave në Komunën e Prishtinës.