Johanesburg, 11 qershor - Ylli i muzikës Shakira ka mbajtur një kurs kërcimi për nxënëset e një shkolle në Afrikën e Jugut.

Këngëtarja u ka mësuar fëmijëve lëvizjet e këngës së saj zyrtare për koncertin e sotëm që mbahet një ditë para fillimit të garave të Kupës Botërore.

Ajo ka vizituar një shkollë fillore, si pjesë e rolit të saj si ambasadore e vullnetit të mirë të UNICEF-it.

"Është një mundësi e shkëlqyer të sjellësh gjithë vëmendjen në rastet e rëndësishme si edukimi. 72 milionë fëmijë nëpër botë nuk janë në gjendje të shkojnë në shkollë, 32 milionë prej të cilëve janë afrikanë", ka thënë Shakira.

Ajo do të performojë në koncertin e sotëm së bashku me yje si Black Eyed Peas dhe Alicia Keys.