Ulqin, 11 gusht - Këngëtarja shqiptare me famë botërore, Rita Ora, po kalon disa ditë pushimi në plazhet e Ulqinit.

Ajo është parë në Mal të Zi, ku thuhet se po qëndron edhe familja e saj, ndërsa fansat e shumtë e kanë ndjekur për ta parë nga afër dhe për të bërë fotografi me të.

Menjëherë pasi e kanë parë në Ulqin, fansat kanë shfrytëzuar rrjetet sociale për të informuar se ku gjendet 22-vjeçarja.

Disa nga fansat kanë shkruar se e kanë parë këngëtaren në shoqërinë e Ledri Vulas.

Kujtojmë që Rita ka anulluar disa koncerte për këtë javë, për shkak të infeksionit në fyt dhe gjoks.