Hong Kong, 28 dhjetor - Rita Ora, pas paraqitjeve të shumta që ka pasur në Hong Kong, u kthye në shtëpi e veshur me një kostum në formë peshkaqeni.

Këngëtarja 25-vjeçare me origjinë nga Kosova ishte helmuar nga ushqimi tek sa po shkonte për të performuar në një koncert në Hong Kong, më 24 dhjetor.

Përmes një videoje në “Snapchat”, Rita ka thënë se është e lirë “më në fund” për të shkuar në shtëpi dhe ka përmendur se kishte të veshur të njëjtin kostum për tri ditë me radhë për shkak të helmimit dhe stërlodhjes nga udhëtimi.

Rita po ashtu postoi në “Snapchat” edhe një foto me mbishkrimin: “E stërlodhur + e helmuar nga ushqimi = aspak mirë”.