Los Angeles, 16 gusht - Kim Kardashian u rikthye këtë të enjte për herë të parë në vëmendjen publike, që prej lindjes së vajzës së saj North-Ëest, një muaj më parë.

32-vjeçarja, më parë kishte premtuar se do të qëndronte larg ekranit dhe fotografive deri sa do të humbte të gjithë 15 kilogramët e fituara shtesë gjatë shtatzanisë.

E megjithatë, ndonëse deri më tani Kim ka humbur vetëm pesë prej kileve të shtuara, fotografët e revistës amerikane “TMZ” arritën ta gjenin në dalje të një qendre mjekësore në Los Anxhelos.

Me sa duket, Kardashian, e cila shoqërohej nga bashkëshorti Kanye dhe një shpurrë shërbëtorësh, njëra prej të cilave mbante të bijën, kishte frekuentuar qendrën për të kryer vizita rutinë shëndetësore për veten dhe të bijën.