QKK dhe Sarajevo Film Festival arrijnë marrëveshje
Ata do të jenë pjesë e një programi special në Festivalin e Filmit të Sarajevës ku gjatë qëndrimit të tyre do të shikojnë filma, do të përcjellin ligjerata dhe do të shkëmbejnë kontaktet dhe idetë me kolegët nga rajoni.
QKK dhe Sarajevo Film Festival u pajtuan që kjo marrëveshje të hyj në funksion këtë vit pra studentët Kosovar do të vizitojnë SFF për pesë ditë në gusht 2015.
Marrëveshja u finalizua në Kanë nga drejtori i festivalit të Sarajevës Z Mirsad Purivatra dhe drejtori i QKK-së Z. Arben Zharku.
Purivatra rreth marrëveshjes u shpreh: “Me këtë bashkëpunim ne po e çojmë përpara vendosmërinë tonë që me anë të kësaj platforme t’i perkrahim talentët e ri të Kosovës, vendi që tanimë e ka dëshmuar veten si pjesë e rëndësishme e rajonit. Ekipi im dhe unë besojmë fuqishëm që kontaktet dhe lidhjet e krijuara në Sarajevë do të hapin mundësi të reja bashkëpunimi për filmbërësit e ri dhe në këtë mënyrë ta fuqizojmë kinematografinë kosovare e sidomos rrugëtimin e filmave nëpër festivalet e filmit në Europë.”
Arben Zharku tha: Platforma e mrekullueshme që e ofron Sarajevo Film Festival është një derë e hapur për artistët kosovar që të takohen me artistët nga rajoni e më larg dhe gjithashtu një mundësi shumë e mirë që të jenë pjesë e ligjeratave të mrekullueshme që gjithmonë i sjell SFF.
E themeluar në vitin 1995 gjatë rrethimit të Sarajevës në luftën e pavarësisë të Bosnjës, Sarajevo Film Festival është një nga festivalet më të mëdha në Europë e cila do ta ketë edicionin e 21-të në gusht 2015 me një gamë të gjerë të filmave të metrazheve të ndryshme nga e gjithë bota që konkurrojnë në disa kategori.
Kjo marrëveshje është mbështetur nga programi “Culture for All – phase III”.
