Londër, 17 gusht - Princi britanik Harry është ndarë nga e dashura e tij, modelja e veshjeve të brendshme, Florence Brudenell-Bruce, pas vetëm dy muajsh së bashku.

Princi e ka ndërprerë romancën e tij dy mujore me bukuroshen, për shkak të angazhimeve të shumta në ushtri.

“Harry ka shumë gjëra në kokën e tij për momentin. Ai është duke u koncentruar në ushtrimet për pilotimin e helikopterëve Apache.

Pas kësaj ai pret që të rikthehet në Afganistan. Harry u kënaq duke kaluar kohë me miqtë e tij gjatë verës, por ai nuk dëshiron të jetë në lidhje derisa po mëson për t`u bërë pilot i Apache dhe kjo është arsyeja pse është ndarë nga modelja”, potencoi një burim i Daily Mirror.