Prishtinë, 21 tetor - Duke filluar nga sot të gjithë të interesuarit për shfaqjen e filmave të tyre në PriFest edicioni i shtatë. Aplikimi është i hapur për të gjitha kategoritë garuese dhe jo-garuese.

Si programe garuese janë kategoria e filmit të metrazhit të gjatë në programet: Filmi Europian dhe Filmi Ballkanik (Mjaltë dhe gjak), dhe kategoria e filmit të metrazhit të mesëm (nga 25-60 minuta). Kurse programet jo-garuese përfshijnë filmat dokumentarë të metrazhit të gjatë me tema të drejtave të njeriut dhe ambientit, si dhe kategoria speciale, ajo e programit LetItBe me filma artistik me temë nga komuniteti LGBT.

Nga ky vit, PriFest mundëson që i gjithë procesi i aplikimit të kryhet online, përmes webfaqes së festivalit www.prifest.org. Afati i fundit për dorëzimin e aplikacioneve është 10 mars 2015. 

Edicioni i 7-të i PriFest – Prishtina International Film Festival do të mbahet nga 24 prill deri me 1 maj 2015.

Të gjithë të interesuarit për shfaqjen e filmave të tyre në PriFest edicioni i shtatë, mund të aplikojnë online në webfaqen e festivalit www.prifest.org (apliko).