Brimingham, 23 prill - Këngëtarja Pink është detyruar që të anulojë koncertin e saj në Brimingham për shkak të problemeve me frymëmarrje dhe një infeksioni në vesh.

Këngëtarja amerikane shprehu zhgënjimin e saj për anulimin e koncertit, por i ka siguruar fansat se do e bëjë të pamundurën që të mbajë pjesën e mbetur të koncerteve në Britani të Madhe, shkruan The Sun.

Pink u ka kërkuar falje fansave për anulimin e saj përmes “Twitterit” dhe shkroi, “Me pendimin më të madh më është dashur të anulojë koncertin tim të parë në Birmingham”, ka shkruar ajo.

“Por unë kam një infeksion në vesh dhe probleme me frymëmarrje. Jam një person që nuk i kam në qejf anulimet e koncerteve mirëpo u kërkojë falje edhe atyre që nuk janë të bindur për sëmurjen time”.