Antananarivo, 8 prill - Katy Perry ka treguar anën e saj më të mirë gjatë një vizite tek fëmijët e dhunuar dhe braktisur në Madagaskar.

Këngëtarja 28-vjeçare vizitoi vendin ishullor për të ndihmuar sadopak fëmijët, të cilët konsiderohen si më të varfërit në botë.

Perry takoi nëna të reja dhe vizitoi një kopsht në kryeqytetin e Madagaskarit, Antananarivo, në cilësinë e ambasadores së UNICEF-it.

Katy tha: “Në më pak se një javë në Madagaskar më janë hapur sytë se sa nevojë kanë disa vende për gjërat elementare të jetës. Kuptova rëndësinë e programeve të UNICEF-it në jetën e këtyre fëmijëve. Bëj thirrje për sa më shumë mbështetje ndaj UNICEF sepse kjo gjë do të thotë se keni shpëtuar fëmijë.”